هب الأسى
.
أدري... صحيح... إن الوجع لو يصيبك
........ما يحس غيرك!!* لا حشى قلب مغليك
هب الأسى واجتاحني مع نحيبك
............ودب الوجع بعروق من هو يواسيك
أقول ودي افديك لكن نصيبك
............تضحك بوجه الورد والشوك يدميك
جيتك تعكز بي وانا في مشيبك
...................مثل العصا مركوزةً بين اياديك**
اليا اسألوني الناس: كيفه حبيبك؟
...............ينهز عرش القلب من جاه طاريك
لو كان دمع الموق يصلح طبيبك
...............لابكي واسيل لك نهر عين تفديك
انت السحاب اللي ولحدً يعيبك
..................وانت الذي بالروح محدً يباريك
طيبك نسايم ورد إلى فاح طيبك
.................عطّر كلامك كن حياة النفل فيك
سمح المحيا كيف يكتب صحيبك
................ويلقى صحيفة نور تكفي معاليك
هذا* ابنك اللي جا تفيا مشيبك
................والود وده صادق الحرف يشفيك
برهان المناصير