[مسفر الدوسري]

مساكم حب .. ،..وفوانيس خضرا...تشبه قلوبكم،

	لا البنت اللي أبيها..فيك.. ولا أنا ..ذاك الحبيب اللي تبين!! شوفي اشكثر.. أحنا اكتشفنا هالحقيقه حيل... متأخرين!! لوكنا ندري من قبل، كنا اختصرنا من عُمُر .. ليل الخطاوي بدربنا.. دمْع...وسنين، كنا اختصرنا..شِعْرِنا.. أوراقنا.. كلامنا.. أصواتنا المبحوحه من كثْر الأنين! شوفي اشكثر .. إحنا اكتشفنا هالحقيقه حيل.. متأخرين! عشنا زمن .... نسقي عصافير الحزن بقلوبنا... ماي الوهَم ونوْعِد جفاف أيامنا ..بالياسمين!! عشنا زمن.. نوْقِد فوانيس الرجا.. كل ليله واحنا ننطفي، لا نوّرَت.. ولا احنا فينا أزهرت.. شمس الحنين! عشنا زمن.. متناقضين إنتي سعيده بدمعتك وآنا مع الفرحه...حزين أقرب من الشفايف الخرسا لْبعَض.. لكن كثير ...متباعدين! إحنا اكتشفنا هالحقيقه للأسف.. متأخرين!!!