السلام عليكم ورحمة الله وبركاته
أنا سعيد بأنضمامي معكم في هالصرح الشامخ
آتمنى أن يرتقي هالنص لذائقتكم
تاه الكلام وماتت حروفه على صوت الحزين
من بعد ما أنهك شعوره فالعروش الخاويه
انهالت ادموع المأسي فوق صفحات السنين
جـرّاء مـا يحدث بنا اقتادته للهاويه
صرخة ألم ما تنسمع .. من ضجة المُستمتعين
لو استرقت السمع تجرمك النفوس الغاويه
عرني اهتمامك واستمع لي يا الضمير المستهين
مهما سقيت النفس باللذات ما هي راويه
عندي مسائل من برائتها ارق إمن الجنين
لو ان صدى صوت الإجابه كالذياب العاويه
إلى متى من يطلب النصره دعُاء المسلمين
قل لـ لذي يزرع ولا يسقي ../ غصونك ذاويه
يديننا تُرفع .. وهذي راية المستسلمين
ويمنى يصافحه العدو .. [عليه] ماهي قاويه
وإلى متى يا مفني الادباش ذبّاح السمين
تجهل بطون اعتادت تخاشر ذباب الحاويه
الضرس الاعلى ياكل ولاينوكل به يالفطين
ومثلي يقول الصوم خيرن للبطون الخاويه
وإلى متى نرى التغيّب في وجيه الحاضرين
وإلى متى .. وأهل الحكي بالفعل ماهي ناويه
افعالنا فالغد تُصبح من فعول الاولين
و من ضُعفنا نبحث عن العز بحديث الراويه
اللي يصارعنا نبي انصارعه لكن بلين
نشجب و نستنكر و ننظر فالنجوم الضاويه
واللي يردد من ورانا ... يا لاثارات الحسين
وحنا نحب حسين لكن ما نسب معاويه
والعلمنه قامت تغذينا بفكر الملحدين
وجرح الخوارج ما لقينا من وراه إمداويه
على كذا .. نبقى ضحايا للعدى والخائنين
اقلوبهم .. مهما حصل فينا ماهي آبـ آويه
صحيح حنا كُثر .. لكن كثرة المتفرقين
وصحيح هم قلّه .. ولكن قلة المتخاويه
من يحتمي بك يالزوايا ما حمى المستضعفين
وحنا بوسط الدايره ... ما عاد فيها زاويه
اقدم يا سلمان الحزم .. وحزم لأمر المسلمين
نحتاج قائد ينتشلنا من حضيض الهاويه
يبو فهد مدام رغبتنا بإحدى الحُسنيَين
اقدم بنا دام المشاعر عندنا متساويه