[سطام بن أحمد الحرابي]

السلام عليكم و رحمة الله وبركاته

أسعد الله أوقاتكم أحبتي ..

ما أجمل الأمنيات ..

و لكن ما أمرّها عندما نعجز عن تحقيقها ..

غنائية أتمنى أن ترضي ذائقتكم

---

(لو بيدّي)

لو بيدّي ..
ما أخلي الحزن يسكن في عيونك
و أجعل الدنيا صفاها مثل لونك
لو بيدّي ..
أوهبك سرّ السعادة ..
اللي عمري ما اكتشفته
و أعلمك يا ضيّ عيني ..
اللي عمري ما عرفته
و الله ودّي ..
لو بيدّي ..


لو بيدّي ..
آخذ بيدّك على جسر الأمل ..
اللي أحرقته بيأسي
و لا أبين لك يا عمري عبرتي
مهما كان الوقت قاسي
لو بيدّي ..
أحمي عقلك من هوى قلبك بروحي
بسّ قلبك في ضلوعك
ليتني أضمّ جرحك مع جروحي
بسّ كيف أبكي دموعك
و الله ودي ..
لو بيدّي ..

باختيارك ..
لو عجزت ارضي غرورك
لو عجزت املى شعورك
لو تبي تمضي بدوني ..
هذا قرارك
ما أقول الوداع ..
ما يقول الوداع الا مفارق
إنت مني رغم بُعد المفارِق
ما أقول الوداع ..
لو تعبت بغربتك .. قلبي لك ترتاح فيه
تلقى كتفي ينتظر .. راسك تحطه عليه
انت تدري .. باللي ودّي
لو بيدّي
---

أرحب بآرائكم و نقدكم ..
فالمرء لا يتعلم بالإطراء ..
تحياتي