الا يا عزاز نفوس خلوا النفوس عزاز
بعنّز على يمناي لحدٍ يعنّز لي
انا الوقت هازمني من سنين ما يعتاز
وحملي ثقل والحظ عيا يعزز لي
رفعت البيارق بيض والخصم حظه فاز
وانا جدول الحرمان دايم مجهّز لي
قريت التراجم لين حليت في الالغاز
وخليت كل الناس غصبٍ تفرقز لي
خطفت النظر خطفة صقر من يدين الباز
وخليت ابو شامه على الخد يغمز لي
مخالف هبوب الريح وامشي على عكّاز
و اكحّل عيون ابليس لمن تركّز لي
تطيبت طيبٍ ما بعد باعه القزاز
اجنب عن الهزلات و أمد بالجزلي
دروب الوفا و الجود هي غاية الإنجاز
واجاري الزمن لو كان ماهوب جايز لي
عادل بوبدر الدوسري