منتديات أبعاد أدبية - عرض مشاركة واحدة

بــانـت مـــواري الــفـراق ومـاتـبـي بـيـنـه
وتـصـحـر الـمـرج بــعـد الـنـيل والـرافـديـن

والحـاله الـمـستحيـله أصـبـحت مـمـكنــه
مـن يـوم صـرتي عـلى نار الـنوى تصبرين

السهـد يشرب كـرى ليلي اليـن ادمنــه
ويسامـر الذكريـات اللي معي كـل حيـن

أذكـرك يـوم/ن غـيابي لـحظته عـن سـنه
والـيوم تـمضي الـسنه بـالكاد لـو تسألين

من علم الطين طبع الطوب والخرسنـه
من حول القلب طوب وكان لبنه وطين

يومه سـكن دار عـوجي لـيته إسـتأذنــه
مــن قـبل يـقلط ويـحتل الـمكان الـحصين

مــاكـان يــزبـن ويـسـفـك دم مـــن زبَّـنـه
لــولا زبـــن دار قـــرم/ن مــايـرد الـزبـيـن

موال حـزني عتــابـا وانتي الميجـنــه
وان طال مسراك هيجنْك الوله والونين

ما كـنَّــك الا طـفـل وتعـلـم الـشـيطـنـه
لا جيت،تبعد.ولا قـفـيت. قـلت انت ويـن

وا ناذكر اني مليت الأمكنــه أزمنــــه
روح ووطن..والهوى اللي كان تتنفسين

واليوم كل اللي بنيـته وش بقى لي منــه
هذي عجاف السنين اقفت بخضر السنين

ياغيم مــ لْـقى معك قطرة لقا بثْمَنــه
لو كان عمري ثمن شوفته ماهو ثمين

قالت: وخلف الحكي.دمعن خذل ساجنه
وتساقـط اللـول وتحـدر على الوجنتيـن

يابهجة العمر واجمل ماحصل واحسنه
لا تحرث الصمت ويثور الجحيم الدفين

وان حـدك الحـال للعِيْنَــه أو العَيِّنَــه
ماباعك المشتري بسهيـل والفرقديـن

قلت انت خايف يـنالك جـرح ما تـسكنه ؟
مايوجع الـعين كثر اللي سكن موق عين

مـن أيسر القلب فدوى الجرح لين أيمنه
وانـا فــدا الـسـيف والـعـناب والـغـيمتــيــن

مـنـهو غــدا مــا يـسـره نـفس مـا يـحزنه
مــا عــاد حـسب تـجيه شـمال ولا يـميــن

يـالتـرف فـرقـاك والله مـاهـي ابهـيِّـنــه
لـوصار وصـلي نَـفِل ومشاهدك فرض عين

والـلـيـل والـعـطْـر والـديـبـاج والـسـوسنه
إتْـنـكَّـرو لـــي ولـــك الـعـقْـد والـخـاتـميـن

هــــذا انــــا وانــــت والايــــام والامـكـنـه
كـــل الـتـفـاصيل فـيـنا والـمـلامح حـنـين
.
مجـبر ولاهـو بـطـل يهجر دفــا مـوطـنـه
لـكـن بـصـبـر وكـان الله مـع الـصابريـن

الشاعر: علي القرني
ملامح الحنين

..