ذبـلـت ورود الأمــانـي والـربــيـع غـيــاب
يـخـضرّ غــصـنه وتـورِق غـصنه الـغُربـة
تـسقـي عـذوق الـمـسافـة ديـمـة الأغـراب
وتــمـوت فـي دربـهـا الأحــلام مـن كُــربة
وتحصي طـيـورالأمـل روزنـامـة الأتـعـاب
وفصل الشتاء من ضـلوعٍ أصـبحت خـربَـة
خـط الـوهـم مـن سـواد الـلـيـل ألـف كتاب
والـصـبـح يرسـب غـبـاء من شرقه لـغربه
يالــيــت روحٍ صــفـت فـي يـوم لـلأحــبـاب
تــصــفي مــعـي او تـفـاوضني عـلى حـربـه
اولـيــت قلـبٍ كـفــخ مـن هـاجـسه مـرتاب
يــشـعـر بــروع الألـم والـروح تــشـعر بـه
مـلّــت مــرآيــة صــبـاحـي وجـهـه الـكـذاب
والــشـمـس طيرن عبس من ودّعه سِربـه
ولـقــيــتــني خـاطـرن مـكـسور بالـمرقــاب
مـابــيــن مـنـفـى زمــانــه والــعـنـاء دربـه
وشـلـون بقــبــل عــذر أقـبح مـن الأسباب
تنسف عـطــش حـلـق كانت منيته شُــربـه
بـعـض الـعـتـب كـان مـمـكن يـنـفـتح له باب
يــوم التــفــاصــيـل فـي بُــعــده وفـي قــربـه