[علي المحمد]

خايف عليك
من حزنك الجاي
يكون أقسى ... وماتنسى
إن قلتها لي (مودعك) ... روح الله معك
لا تناظرني ولا تسمع بكاي

خايف عليك
خايف على صوتك... ينخنق في توتك ... وتتعبر
مثل طفلٍ على دمعه تكبر

خايف علي ... من فراقٍ يجي ... وتتفجر
من أسبابه أحزاني وأنا مقدر

ايه مقدر ... وخايف عليك أكثر
من الوحده ... من التجريد ... من الزغاريد
في حضرة الموت ...
وأنت بداخلك مليون صوت ... تبي تحكي وماتقدر
ماتقدر على التعبير ... ولا التبرير ... وتتعثر
خايف عليك
يمر سمعك صوت الناي ... أو ضحكتي وغناي ... وماتقدر
ماتقدر على رجوعي ... وتتأثر

خايف عليك
من حزنك الجاي ...
يكون أقسى ... وماتنسى
روح الله معك ... ان قلتها لي (مودعك)
لا تناظرني ولا تسمع بكاي