لجل التميمي صارت الكلمه شعر
صارت هروجه بالمشاعر وافيه
وسط المدينة له من المعنى سطر
تدخل على عمق المشاعر دافيه
ابن الفرزدق في عيون اهل النظر
كلمة من احساس التميمي كافيه
ماهمني قولة ترى هذا حضر
واثق بحرفي والمعالم خافيه
نفسي عزيزه والفقر مامن فقر
قارون مالي دامني ابعافيه
هاجس ويسكن في شعوري من صغر
هاجس ويملك لي معاني ساميه
اكتب وشعري لايقرب للخطر
اعرف حدود المقفيه واللافيه
شاعر تميمي وش عليه في قطر
محلى النوايا في قلوبن صافيه
شاعر تميمي وانتمائي بس خضر
اغلى ثرى في اطلس الجغرافيه
بقلمي
عبدالله التميمي