[خليفه الصائغ]

يا مملكة بلقيس ، يا سد مارب
القلب هائم من هو ولع فتيله !

ما عاد يتحمل يا صاح التجارب
يا كم قبيله هاجرت كم قبيله ؟!

يا هدهد سليمان دلني المضارب
ودي احوز هناك عرش الجميله

كم مستخف الليل و الصبح سارب
تبقى الاصيله في عيوني اصيله

ولو صار ما بيني وبينك تضارب
كل واحد ن ﻻزم يوضح دليله

خلك من اللحيه وكبار الشوارب !
لان الفضيله تبقى دائم فضيله

كنت اتمناها استراحه محارب
بس المحارب مات ماحد كفيله !

خليت لك حبل الاماني فقارب
خله خليفه اليوم يهنى مجيله

من كم سنه والقلب مالهم شارب
دوك شيل همه كان ودك تشيله

قالوا المثل بان الاقارب عقارب
بس هم يسوو في عيوني قبيله

عيون العقارب ما تشوف الاقارب
قصيرة نظر ولا عيون ن ضليله

با مملكة بلقيس ، يا سد مارب
العمر يرخص والحموله ثقيله

ﻻ رحت خايف لا ولا رحت هارب
يحتال من حصل له في يوم حيله

خليفه الصائغ
7 / 8 / 2014