[ياسر العتيق]

#قصيدة ما للصباح (طهر بسمتك)
http://www.assmt.com/ViewSongDetails-75


#صوتية
http://cutt.us/TbEw

#يوتيوب
http://youtu.be/SpewtpGqACg


ما للصباح إلا ضيا وجنتينك
يومك تغطي الكون من طهر بسمتك

ما للهنا إلا دفا راحتينك
يوم السحاب يذوب من رق لمستك

يدك يحني نقشها خصلتينك
يومك تزيح الليل عن نور نظرتك

لمحت زولك همت في نظرتينك
أوية يا بخت النواظر برمشتك

كل النهار بيختزل رمشتينك
غمض وفتح شوف تأثير غمزتك

وحجاجك اللي من على مقلتينك
جنحان نورس حلق بغيم جنتك

واسراب عقدك ذايبٍ في وتينك
يشرب بياض الجيد من لون غيمتك

ذقت الحلى بالعيد في كلمتينك
يومك تقول:العيد، واقول: طلتك

أما الزعل يترقق بنغمتينك
تصرخ بوجهي: خير، واقول: شوفتك

ولا الخجل لا من كسى حمرتينك
خوخ ٍ على مشمش يحليه كرمتك

قلي دخيل الخد وشلون تينك
يمكن يكون السر في تين خوختك

ولا عطورك تحتوي زفرتينك
يمكن يكون السر في ريح توتتك

نفسي يزيد الزين غمّازتينك
واتصنع الطيحة أبي شوف ضحكتك

حتى اللبان ادّلع بـ/مضغتينك
وانا اتخيل: ياه يا حظ علكتك

ما لومها تتقلب بـ/نعمتينك
مابين عنج الضحك في لين مضغتك

ارحم خفوق ٍ ذاب في شفتينك
يحسد لثام ٍ ذاق من طعم شفّتك

عضت شفاتك سيحت توتتينك
ولكل من حولك يبي بس رشفتك

شفت النحل وشلون في زهرتينك
يرشف رحيق العشق من ريق لذّتك

خذني غارم ٍ تاه في خطوتينك
لين المشاعر تطرب بلحن خطوتك

هذا وانا ماعشت في ضمتينك
و ما أتبع النظرة بنظرة لفتنتك

لكن دلال الصبح في جمرتينك
قالت: صباح الخير واعيش سكرتك

الله يعوض عن حلا سكرتينك
حورٍ يغطي طهرها كل متعتك

وسلامتكم

#ياسر_العتيق
assmt.com