اقتباس:
المشاركة الأصلية كتبت بواسطة مشعل الغامدي
ياليـل وش تبغـى بنـزف المـواويـل ؟
........................... خــــلّ الـحـنـايـا ســاتــرة لا تـجـيـنـي
يالـيـل صـحـرا غربـتـي كـلـهـا ويـــل
........................... يــا كـيـف تـقـدر ظلمـتـك تحتويـنـي ؟
أرضـك سـراب وكنّنـي مثـل مـا قـيـل
........................... ( أطـــرد ســـراب الال) والال فـيـنـي
مدري بتـروي زفرتـي نجمـة اسهيـل
........................... وإلاّ بتـشـربـنـي عــطــش يـرتـويـنـي
تــدري بـإنـه لا هـطــل داخـلــي لـيــل
........................... أبـذر همـوم الصبـح وأحـصـد أنيـنـي
أجمع عطش عينٍ شرب مزنها سيـل
........................... وأسـقـي بـهـا جــدبٍ تلـحـف سنيـنـي
وأروى من الفرقى سهر ينهك الحيل
........................... وأروي ظـلام الليـل مـن مـاي عينـي
وأشـرب مـن آهاتـي دمـوع ومناديـل
........................... وأضـمـأ لجـفـنـي سـاعــةٍ يكتسـيـنـي
يـالـيـل عـمــرى نشّـفـتـه التـواسـيـل
........................... عـمــري تـكـسّـر يـالـيـال أجمـعـيـنـي
إن كـان ليلـي هـول صبحـي تهـاويـل
........................... مابـيـن هــول وهــول أرفــع يـديـنـي
الـلـيـل غـربــة والـنـهـار الـغـرابـيـل
........................... يـاغـربـتـيــنٍ ويــــــن بـتـوجّـهـيـنـي؟
تحية من القلب
مشعل الغامدي
|
وأنت والله من القلب وإلى القلب شعراً وتحايا يامشعل الغامدي
حاولت أن أجد بيت واحد أقول عنه هذا بيت القصيد في النص
ولكني فشلت لأن النص بكامله بيت قصيد ووحدته متكامله
ولايمكن تجزئته أو تفكيكه لروعته وروعة شاعره
00000
لازلت وستبقى بإذن الله تحمل مشعل الإبداع الشعري في يمينك يامشعل
ــــــــــــــــــــــــــــــــــــــــــــــ
همسه من قلب محب
تقول أيها الرائع
الليل غربه والنهار الغرابيل: ياغربتينٍ وين بتوجهيني
كم تمنيت ياشاعري الرائع أن تستبدل التنوين بياء المخاطب ليكون البيت على هذا الشكل
الليل غربه والنهار الغرابيل: يا غر بتيني وين بتو جهيني
(مجرد وجهة نظر حتى يكتمل جمال هذا الترف الشعري الباذخ الجمال)