بين عدي الضابحات وبين فور الجامحات
_________________ انتثر فيني أنين الصمت ليل البارحه
اكتوى بردي حنين ولمني بعض الشتات
_________________ واحتواني هاجس الغربه وعبره ذابحه
صرت كني عود يابس منحني وسط الفلاة
_________________ طاح و أوراقه نحرها الريح حوله طايحه
مات ؟! لا ما مات !! باقي مختنق في ذا الحياة
_________________ والله إن الموت رحمه والفنا من صالحه
إيييه وش باقي ترجى يا عويد من اللحاة
_________________ لا قرصك البرد فأحرق كل زفره سارحه
لعنبو عيشه كما عيشتك ما فيها رجاة
_________________ كل ما جتّ تنجلي غُمه ترد الرايحه
والله إن الجور فاضح والعطى قد الهبات
_________________ من وهب للهم نفسه كود لازم فاضحه
يا مراهن ع الليالي وين في ليلك تبات
_________________ م/المراهن " أغسل إيدك" قوم يمه صافحه
من قوى ع الليل يا عودٍ وهو حول الممات
_________________ ما معه غير " الله أقوى " كان تقدر سامحه
أعذروني ثار فيني من بقايا الذكريات
_________________ اللحا وأوراق خضر وريح فرقا فايحه
بيت في آخر قصيدي مات يطرد ضابحات
_________________ لا قريتي البيت تكفي دوري عن شارحه
بين عدي الضابحات وبين فور الجامحات
_________________ مات فيني ألف حرفٍ ما لقيت الجامحه
تحية من القلب
مشعل الغامدي