مات ..
مَلّته هذي الحياة ..
أعطته بعض السنين و خلّته ..
بسطته .. هي كفّ طين و بلّته ..
لاجل يعجن من ظروفه ..
ما تشكّل ذكريات ..
مات ..
كان الأقدر للرحيل ..
و كان الأجدر بالحياة ..
مات ..
بذمّته أربع خوات ..
وأم ماتت بس جسدها ..
خلّده كرسي و عباة !
مات ..
و الوصية ..
فتّشوها .. قلّبوها .. حللّوها ..
ما بها أي شيء واقع ..
أمنيات بْـ أمنيات !!
مات ..
هالشباب و شيب عمره ..
و عسر أمره ..
و الزمان اللي يعاند ..
مهما سلّم فيه أمره ..
مات ..
حتى تعرف في بلادك ..
.
وش هو معنى المعجزات !