لو الليالي تنبي القلب والروح
عن سرها ما هد عيني سهرها
ما راحت ظنوني سدا وانطوى البوح
وطاحت نجومي عقب ما انحى قمرها
لكن مسيره يمتلي قلبه أجروح
ويذوق من هاك الكؤوس وكدرها
وفي ساعته والله ما ينفع النوح
ولا يبرر لو دموعه نثرها
اللي جعل قلبي على موجته لوح
وبرمج رياح البين تلقط صورها
بنيت من هجره بساتين وصروح
وزرعت في جوفي مأسي شجرها
لكن هدمني بين ضحكات ومزوح
ويوم الحصاد اللي جنيته أثرها
أهيب يا قلبه براحات وسفوح
ماترتوي عينه ولو من بحرها
يجيه وقت ويخسر الكل ويروح
وتبقى مع الايام ماحدن ذكرها