قلت الإجازة تجي ونشوف الأصحاب ..
وراحت اجازات .. ولاحدن طق بابي ..
تويتر ..خذا الناس واغلق دونه الباب ..
والفيس بوك ....... الغبي لا وعذابي ..
معقول ينسون وقتٍ راح ... واصحاب ..
ويسرقهم الكييك ولا ..الوات سابي ..
انا صبرت وصبرت ..... وصرت مرتاب ..
وصابن من الصبر . هماً .. وارتيابي ..
للعدل ... بين المواقع ..... نظم كتاب ..
يا خي تعال وبلاش .. من الغيابي ..
ترا سمعت ان . تويتر . صار بحساب ..
ورقم .. الهوية .. ضروري للحسابي ..
يعني .. كذا . لاتفكر .. تصير .. عراب ..
وتقول .. للناس .. يا مساء السحابي ..
وعصفوركم يقتلب حصني ..او غراب ..
وتجون ... تبكون .. بعد .. الإغترابي ..
المنتديات هي من .. بد .. الأسباب ..
اللي .. بديتوا .. بها .. رغم الصعابي ..