[عبدالله العتيبي]

[poem=font=",6,crimson,bold,italic" bkcolor="transparent" bkimage="" border="none,4," type=0 line=1 align=center use=ex num="0,black""]

بين جفن الشوق وعيون الميانه=غمضي ني يوم صرتي مُقلتي
وفتحي عينك على عيني عشانه=صارت أعيونك سواحل غربتي
من يحبك يكفر بمعنى الخيانه=صعب تقبل غير حبك ملتّي
يممي شطري ياعود الخيزرانه=وأشربي حبٍ خدر في مهجتي
ياعنود الصيد يا أجمل جمانه=خطوتي تسبق لشوفك خطوتي
أنثري كل الأريج وزعفرانه=بعثري دربي ومدخل قريتي
ولم لميني من هجوسي واللعانه=ودثريني لا طردتي لعنتي
في حضورك يرفع الإحساس شانه=وفي غيابك طاح عالي قمتي
من يهد طموح نفسي وعنفوانه=غير بُعدك وإن رحلتي بذمتي
من يطف الشمع ويكسر شمعدانه=غير بُعدك من يكسر دنيتي
ما كسيت القرب ثوب الأقحوانه=يشهد الله كنت اراود فرحتي
ولا لمست الغدر بيدين الامانه=كل مافي الأمر كانت نظرتي
نايف شموخي ولا حب الخيانه=لويطيح الحظ تاقف عزتي
لكن الأحلام في الواقع حنانه=ما يفرّج لو لمستي كربتي
اكبر ذنوبي معك كانت ميانه = واصغر أذنوبي مجرد لهفتي
ذكرياتك طشّت افكاري زمانه=امطرك فكري وسالت دمعتي
ثم لبستك موقن وكلي رزانه=وابتدت مشوار دربك فكرتي
المسافة طاح من دونك عنانه=والسراب ارسل قوافل رحلتي
في محيط الملح وامواج الرعانه=تمتمت سبع البحور لعبرتي
وبين نود البعد والبحر هيجانه=وبينهم روحي همومه دفّّّّّّتي
مبّحر ولالي مع الأفراح خانه=غير وصلك والاماني هقوتي
[/poem]