كيف ابتدي يارفيع القدر والعز كيف
دام القصايد طويﻻتن....مراقيبها
الدرب عالي ومسراها عليه مخيف
واليل موحش ليامنه..عوى ذيبها
وإن جالها في حنايا الصدر برق ورفيف
جيتك من اقصى خفوق الشعر ساريبها
يتلها للغﻻ شوق المقام الشريف
مثل الهنوف ان دعاها شوق خطيبها
يامعزب الشعرجاك الشعر عاني وظيف
يومك مﻻذ القصايد عن معازيبها
من خلقتك يامجيرالمستجير الضعيف
ويديك بحر العطايا ﻻ اصطفق طيبها
يمناك بير القراح وللمعاطيش ريف
اليا احتمى القيض زاد الله مشاريبها
فتحت قلبك قبل تفتح لشعبك مظيف
تسمع بقلبك وﻻتقرى مكاتيبها
سريت في ليلة(ن)ظلما وبارقك شيف
فوق الفقارى لجل تحيي مجاديبها
دخلتها بيت بيت وكنك المستظيف
في كفك الحانيها تفتح دواليبها
لك باالسحايب سحايب صوتها له رجيف
يبشر اﻻرض..في فرقا لواهيبها
لوتنشد اهل القطيف ونخلة اهل القطيف
ارخت على صوت رعادك مذانيبها
للفقر افه ولكن ﻻ افة الفقر سيف
في كفك اللي غزيراتن مظاريبها
يامعزب الشعر لك في دلة الشعر كيف
اقلط ولك هيلها واجمل تراحيبها
..................................................