يا كيف أنا
ما احتاج قلبي و روحي ؟
و الكون ضاج
بكثر أهلــه و صحابه؟
و نبضي وحيد و ما اهتواني زمانه
مسلوب به دمعٍ سرى و اغتذى به
و استكثرت دنياي لمـــة جروحـــي
لين الفرح أصبح فعينه كـــــــآبــه
أحتاج لك ، و الارض ضجت دماها
و اسود ماها / أوصل شقاها نصابه
أحتاج لك ، باشم روحي فثيابكــ
لين ارتويك أنوار عهد الصحابــه
قلبي اكتوى من دون ضمة كفوفكـــــــ
كنك شهد قوت لوجودي و شرابه
يا طيب كنه بي اعتلا و اشتهيتــه
متشابه بقلبي و نفـــة سحــــابه
زود الحمول اثقل بلاها كتوفي
من بردها و انته لجسمي ثيـــــــابه
استاثرك من هيبتك كبريائك
حشمة وفي ما خان رغم اغترابه
أحتاج لك و أطفال قلبي تنادي
لين السما /يوم الطفوله غلابة
وينك و أنا فآخر حنيني ضميتك
و كل الوجوه تزيد طيفك غيابـــه
وينك أبي
من ماك بحرك عذوبـه
يا انقى بشر مسك التلاوه رضابه
يلي طيوفي من زرعها فخيالك
ردت لقلبي من زكــاها شبابه
وينك وأنا مثلك زرعتك موده
طهري وحلال اسطورتي فالكتابه
وينك أنا ضاجت فعينــــي الأماني
كنها ذنوب الملتحف في عذابــــه
أبغيك أنا و اتآكلتني همومــــــي
و هموم أرض/ الله يدري بحسابه
يا وجه يا خير و ضياء وسماحه
أهل الصلا / يشفي جروحي اقترابه
و أتخيلك ما بين هدبي و عيني
دمعي إذا شفته يسيلك إذابـــــة
و تستغفر الله لهم ما قد طريته
خوف أنني أبكي بشدة صعابه
تخاف يا قلب ارتواني شعوره
من جرحنا عذرك مسابق جنابه
ارتجالية : الآنــــــــــــــ ،،،