[خلف المهيلان]

المشاركة الأصلية كتبت بواسطة تفاصيل منسيه

السلام عليكم ورحمة الله وبركاته

ـــــــــــــــــــــــــــــــــــ

صباحكم/مسائكم..بعذوبة نسمات الصباح..وروعة ألوان الشفق

وسكون الليل وسحره..

أحبتي في الله..

أبيات بسيطه ليست بحجم الغياب..ولكن أتمنى أن تجد لها

مكانا في ذائقتكم الرفيعة المستوى..

أقول::

جربت مرّه تعشق إنسان مجروح؟؟..

مايعرف من الحبّ إلا ذنوبه!!

تسمع بصدره رفرفة طير مذبوح..

كل مادعاه الحبّ ردّته توبه!!

إن هو حكى يتلعثم بْصوت مبحوح..

وإليا نوى يرتاح واجه صعوبه!!

قلبه تعوّد ع الجفا وْقلّة البوح..

يملى من أحزان الليالي جيوبه!!

للشوق في قلبه كذا جرح مفتوح..

واللي يحبّه ماألتفت يوم صوبه!!

عايش معا هالناس جسمن بلآ روح..

لآهو تأثر فيهم وْلآ درو به!!

هذا أنا وفي داخلي باقة جْروح..

وأبيات زادتها المآسي عذوبه!!

أضحك وضحكي تسكنه نبرة النوح..

وأرسم على وجهي ملامح كذوبه!!

لنّ الحكي ويّاك ماعاد مسموح..

والصمت في حضرة جنابك عقوبه!!

ــــــــــــــــــــــــــــــــــــــــــــ

وسلامتكم

يامساء وصباح الشعر والعذوبه من ادق تفاصيلك إلى سمووقار كبرمكانتك وبعدك عندالابعاديين وانتي عذوبه فعل ٍافتقدناك ياشمس بعاد عوضتينا عن هالغيبه ،،بغيمه دايماً ممطره ايه النقيه شكراً لهذا الطهر الي يسكن جوانحك وعذوبتك ودي وغلاي لسموحرفك