كسيرة نفس مخنوقه
معي دايم جراح و هَمْ ..!
كأنَّ الهم معاهدني ..
وفيني حضرته .. [ مهتم ]
يواعدني ويجي بوقته ..
أقول إصبر يقولي .. تَمْ
وعمره ما خلف وعده
يسابق وقتي والساعه
يجي يقهرني بطعونه ..!
أناديله ويلبي سَمْ :
" أنا لجلك أجي كلي
مع جراحي مع أتراحي "
كأنه حالفٍ إني ..
أبد ماأشوفها أفراحي ..!
" أنا همك أنا غمك
أحب أشوفك بقربي
أكَسِّرْ لك كثر مَقْدر
( مجاديفك ) وأدوس أرضك ..!
صلاتك .. ليه تنسيها ..!
ونسيتي إنها .. فرضك
تعوفيها .. وتجافيها ..!
وسألتي وينها أفراحك ..
وتبين تعوفك أتراحك ..
أنا .. يومك هجرتي ( الدين )
حلفت إني أجي عندك ..
ولا أفكر أعوف أرضك ..
كسرتي نفسك بنفسك !
وكنتي تايهه بجهلك
بخلي الليل مو ليلك
بَحَرْقِكْ وأحْرقْ سنينك
بعلمك كيــفْ يكون الهم ..!
ومن تعليمي .. يا ويلك "