[علي الحسني]

من القديم

[poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حبيبتي والخريف اقبل يحتّ الورق = كن الشجر شبت اغصانه لهايب حريق
شوفيه منثورفي كل الطرق ما لحق = يلمّ بعضه عن اللي يعبرون الطريق
من بعد ما كان زاهي باخضراره ألق = أضناه طول الظما واغتال منه البريق
لاغيم برقه برق لا ليل صبحه شرق = ولا طرق بابي الا الريح تصفق صفيق
وانا هنا منتظر ما عاد فيني رمق = أتأمل الكون واحس اتساعه يضيق
أنا هنا في انتظارك في جحيم وقلق = وحيد ربعي همومي يوم عز الصديق
أسري مع الليل هايم والنديم الأرق = يسقيني السهد ماغيره لجفني رفيق
حبيبتي بعد غيرك عادي ولا فرق = لويحجبه برزخ وسبعين وادي سحيق
لكن لو طال بعدك قلبي أبيحترق = من وين لي قلب ثاني يحتمله ويطيق
[/poem]