جميلة الصدفه والأجمل إنتي
بعد الغياب اليوم لما / بنتي
ابسألك يا اللي طويل غيابك
وينك من أول وين عني كنتي
وينك .. تكسر خاطري بالمره
يالقاسيه يعني أخيراً لنتي ؟!!
يعني أخيراً .. راجعتلي ثاني !!
تكفين قولي راجعه / لا هنتي
( قولي لي إنك راجعه واصدق
وإنك .. تحبيني وماقد خنتي )
بصدق الكذبه وأنا ادري ، كذبه
ماانتي مثل ما أنا عرفتك ماانتي
تغيرت أشيا كثيرة / جداً
حتى رغم حسنك بعيني شنتي
الذكريات من الحزن لا حانت
اقول أنا ( ماهو بوقتك حنتي )
أنا .. تعبت بغيبتك نفسياً
عن حالتي لو تعلمين حزنتي
معذور لاكذبت فيك عيوني
بعد الغياب اليوم لما / بنتي