[خالد بن منشار]

السلام عليكم
مساكم الله بالخير
يشرفني الانضمام لكوكبة النجوم الراقية ممثلة في ابعاد ادبية
واشكر الاخ صالح بن فارس على الدعوة
ومشاركة من الحديث

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
إمّا تحبيني رضا وإلاّ فحبيني غصُب = بعلمك وشلون احب وكيف ابادلك الشعور
أبيك لا قلتي أحبك تفهمي معنى أحب = أبي تقوليها بقلبك واسمع انفاسك تفور
يابنت انا غاوي وصالك ماعلى قلبي عتب = من يوم شفتك والحنايا ترتجي منك الحظور
تعالي ابعيني هنا مابين نوني والهدب = تعالي اسقيك المحبه من صباحي للسحور
تعالي ابقلب ٍ رقيق ٍ ماخذٍ لون الذهب = قلب ٍ يحب وما تغيّر لو عثت فيه الدهور
تعالي ارسم لك بعينك لوحة ٍ فيها سحب = تمطر لك اشواق ٍ وتنبت في طرف عينك زهور
تعالي اطفي ما بقلبي من جراحات ولهب = واروي فؤادي من وصالك واعتلي باعلا قصور
ضمّيني احتاجك بوقت ٍ زايد ٍ فيه التعب = ضمّيني احتاجك رجا ضمّيني احتاجك غرور
ما باقي الاّ خطوتين ويحرق القلب الشهب = أرجوك حبيني عشاني .. حب عشّاق ٍ طهور
هذي سطوري والهوى في حظرته رمحك نشب = هذي سطوري وانتي اقري ما بقى بين السطور
هذا أنا واشواق قلبي عايشين ٍ في شغب = انطر تحبيني ويشرق في سما عيني سرور[/poem]

ولكم جزيل الشكر