[حمود الحجري]

للريح ما لعثم نداه

إلى صديقي الشاعر : حمد هدوب

لا تزرعين الشــوك بينك وبينه وإلغي الموانع ،كلـّها ،والمسافة تأثثي بالعطـر .. تفــداك عينه وتريثي ، واسقي ضمـاه وجفافه واحني عليه بـوارفك .. تسبغينه يا بنت ، بظلال الرضا واللطــافة ياااااما تشرّد في ضَيـــاع المــدينة يااااما تسكّع في المقـــاهي حَسافة يااااااما سفح حلمـــه وجرّة حنينه في كل شارع ، وأشعل الليل قـــافه عــن كنــزه المفـقـود تنهـااال وينه وتبلّل الحســـــرة صَحـــاري كَفافه ما جــادت الغيمـــة بموعــود طينه للرييييييييح مـا لعْثـم نداه ، وهتافه صْياحه ، شيْطنته ، وذكــرى دفينة .. بالـوهْـم لـوّنـها ، سـقـاهـــا شغـافـه بَـوَْصـلتـه الـمتـــــــردّدة في يـديـنـه والغبْش ، وحْصار الضباب ، ونفافه يتوووه في سحْر الســواد ، وتدينه .. لحظات طيشه ، والعبَث ، وانحرافه يفتح ، ولا يلـقى لـه فـْ راحـتـيـنـه .. غير الهبــا .. ويضمّهن ، بإرْتجـَـافة زماااان له ســـــأيــح ، يدوّر سكينة زمااااان له هــــايم ، وطوّل طوافه ولا درى ان الوعْد / ضحْكة سنينه .. بيت ٍهنـــاك بْحــــــارته وْظل غافه قلبٍ وسَع كَثـــرة عَنــــاه وأنـيـنـه يرفـــأ جُـروووح ٍ غرّزتها المسافة