[فهد الغبين]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ثنين .. وش دخلهم بحب ..اثنين=والله عجابي من زمان العجابي
طيب يشوفونك هنا ..دوم بالعين=وانا بعينك ياعيوني ضبابي
كم غبت بك وأطوف بك وين ولـ وين=ساعة (أذانك يم بيتك)سرابي
البارحه ..قلت أكتبك بس ..بيتين=وشف كل مايحوي ..(هنيا ) كتابي
الاول يقول أووه ..مابعدي زوين=والثاني ايقول اووه محدن درابي
انتي حياتي ياحياتي وانا الحين=اقول غيرك يامها الروح ..مابي
ابيك أنا ..ياملهمة ... شعري سنين=ابيك انا ..يانو ..غيمٍ ..بدابي
في ضحكتك (يحتاج للفكر ..تدوين)=وفي عكضتك يبين ماقد جرابي
لوقلت لك (بالروح ياروح روحين)=واللي سطابك بالمحبه سطابي
اتصدقين انك (هنا) بي ..تعيشين=بين الضلوع اللي تلم ..الصوابي
انتي (مها ) ايه انتي انتي حلا الزين=يام العيون اللي هدبهن نصابي
يومين ..يخرب جدهن ..بس يومين=خلني اهذري ..وادور ..بعذابي
فيهن عرفت غيابك اش قد هو شين=وفيهن عرفت اش قد يذبح غيابي
ياوردة النيروز ...بين الرياحيين=ياورد طايف (نجد) كلك غدابي
في ميلتك (اشوفك للموت )قسمين=وفي وقفتك اقول (طولك عقابي)
يعني فقط أنتي مها وغيرك منين=ماحط مرشوش العطور ..ال ذهابي
في بسمتك لمعة سيوف السلاطين=وفي غمدهن نار .. لكريم الجنابي
وفي جالها ..توئم دلال ..بهن لين=امركزات ٍ ماطعمهن ..مرابي
ومن تحتهن ..جرهـد ..بريحة رياحين=خلي عشب .ولانبت به اعشابي
وادي مسيله ..ماحدروه المحبين=لاواهني ان حصل ..اريح ركابي
في جنتك ..يادنيتي يحرم الشين=بانهار خمرك ..ذقت جنه ..حيابي
ياحسن يوسف قلتها لك وانا الحين=بقول لك وش لون قربك هنابي
هذي مليكة حسن قلبي ..وبعدين=هذي بعدها.. بدين.. دمٍ جرابي
الف ..وهاء وميم ..في قلبها ..يزين=ميم ٍ وهاء والف ..هي من عثابي
[/poem]