صافح حزنك !
ــ واصفع خوفك !
أصفع وقتك !
ــ حلوه الدنيا !
حلوه بلادك !
ــ تشبه أمّك !
تكّرم أمّك !
أمّك أطهر !
لاتتثائب !
إعمل ـ
إعلم !
هذا الصبح الفاضل
معمل !
وإنته ياأستاذي
الفار !
*
كادح جداً !
ساذج أكثر !
مرّه فوق
ـ مرّه تحت !
مرّه تلعن
ـ مرّه تمدح !
ياخي الدنيا
حلوه جداً !
حلوه بلادك !
تشبه أمك !
تكرم أمك ــ أمّك أطهر !
*
*
تشعر إنك واحد عاله !
ـــ وإن الدنيا مثل [ الصاله ] !
بس الأغرب إنك تكدح !
ـــ تكدح لجل تبيع افكارك !
وتْجاوبك ْ بلادك : أهلاً !
ـــ تفتح كل أذيال أزرارك !
تلعن شكلك !
يلعن دارك !
إسكت وإحرق كل
أشعارك !
*
*
شايف والله الدنيا
حلوه !
حلوه بلادك !
ليت بلادك ياخي أمك !
كان تلمك !
كان تضمّك !
كان وكان
وكان وكان !
ياخي إسكت !
صِك أزرارك !
صافح حزنك واصفع خوفك
جدّك حارب ضد الترك !
جدك حارب ـ حارب ـ حارب !
لجل تعيش وإنت الأكرم !
لجل تفاخر بين الناس !
جدي كان الأشجع وأقوى !
جدّي كان بروسلي وقته !
ياخي ساخر هالتاريخ !
ــــ آسف جداً عالتوضيح !
بس أحتاج لـ لقمة عيش !
ــــ ماأبي أوصل للمريخ !
*
*
ترجع ثمّ بنفس النبره !
ـــ تكتب : صافح حزنك وإضحك !
حلوه الدنيا !
وأكمل ـــ باقي هذا الشعر ........... !