[أروى التميمي]

|
من الماضي ..

ودي أضمك يابعد كل هالناس
.... ..... ..وابكي على صدرك إذا غاب طيفك
وادفن جروحي من عناها بقرطاس
.... ...... ..تلهب شتا عمرك وتزهر خريفك
أشكي لك الفرقى ومن قلب حساس
.... ..... ..وابني لك أحلامي على كيف كيفك
واروي بدمعي كل وردٍ به انعاس
.... .... ..واحكي عن الماضي وشوقي لريفك
خوفي محاصرني ومزعج لي الراس
.... ......... ..والشك يذبحني ويدلي بزيفك
والحيرة العميا على الفكر وسواس
.... ..... ..تحرق سما فكري إذا اشْتد صيفك
كم مرةٍ تطري عليّة بهوجاس
.... ......... ..مره توادعني وراقب رفيفك
والشوق ياخذني إذا هب نسناس
.... ...... ..واخفي دموعي وا تسلى ابنزيفك
اقرا حروفك كله احْروف نوماس
.... .... ..واسمع صدى صوتٍ يشابه حفيفك
من يومها لي زفرةٍ كلها ياس
.... ....... ..كله من اسبابك إذا غاب طيفك