أشتي ذهب وأشتي ثياب وأشتي عطور وأشتي خضاب
وأشتي المدينه شأسكنه ما أشتيش أني القريه عذاب
ما أنيش أنا تاجر كبير عندي رصيد وأموال كثير
من أين أجيب لك تسكني ؟! والبسك من فين حرير !؟
وأني المدينه منيتي فيها الهناء وهي جنتي
القريه وا زوجي تعب ما القيش اني به راحتي
يا زوجتى أنا مولعي .. والقات كمل ما معي
ماليش انا قضى عليك .. تشتي المدن تتدلعي
ما أصلحش أني أكون راعيه .. فالشمس وأني حاليه
أني خلقتُ للمدن .. مش للغنم والماشيه
مشتدخليش .. مشتدخليش .. وللمدن مشتسكينيش
أخر كلام هذا معي .. وعليا أنا لا تنخطيش
اسمع وصلي علي النبي .. أني المدينه مطلبي
أن أعجبك ولا خلاص .. رجعني ذا الحين بيت أبي ..!!
....
أشتي : بمعنى أريد .. أتت من الأشتهاء .. !!
ش : حرف في اللهجه اليمنيه يقوم بدور "سوف" !
وا : نداء .. "يا"
مولعي : أكل قات
والقات : نبته مخدره مشهوره في اليمن
قضى : قدره
تنخط : تتكبر
ذا الحين : بمعنى الأن