[علي المحمد]

بعض العرب حبه يوردك الجنون
ولا يوصف له غلاه إحكاك له

ما يقنعه وصف الغلا لو وش يكون
لو كل حرف بالحرير يحاك له

الموت جاك وهو تقلبه الظنون
ولا لك الا الصبر ....وش وداك له

ان قلت ضايق ..قال..هونها تهون
مايدري ان ضيقتك له ..وبكاك له

تقعد تحبة وانت ساكت ومغبون
يمكن بيوم يقال له ما اوفاك له

وكانك مشكك هو يمون ..او ما يمون
تخيل ان عفت الصبر فرقاك له

غلاه من فوق الغلا ماهوب دون
وحكاه سمعك يجبرك بارخاك له

ودك تحطة فالعيون من العيون
وتبسط على رمضى الثرا يمناك له

وتظله من الشمس في ظل الجفون
ولا يمر اذنه سوا لباك له

وتسج من غيره لونهم يذكرون
ومنين ما سجت القدم ممشاك له

فلوٍ يميله الترف ميل الغصون
غصن ليان ومكرمه بسقاك له

جديله الى اقفى ستر منه المتون
كني بريحه لا إلتفت لدعاك له

يزها الملابس ..اي لبس..واي لون
وفالليل وجهه لا ظهر قداك له

كيك وعسل لكن ما هو في صحون
ودعاك من عين الحسود اغطاك له

اللة لا يعطيه ناس ينضلون
ويستر عليه من النحل لا ياكله

والوصف والتعبير في وصفه يخون
غير اطلب الله يستجيب ادعاك له

وعذال قلبك في محبته يهقوون
سكينهم عن قطع حبله حاكله

اللي من لحوم الاوادم ياكلون
وحلوقهم دافع البلا متواكله

ناس عن اعراض العرب ما يعرضون
ودايم على نفس الشكل والشاكله

في سلمهم اولى بالاكل الاقربون
واطيبهم اللي صيدته شكواك له

يدعيهم الشيطان للذنب ويجون
هذا يقطع له وذاك يواكله

من جاك منهم لا تبين له سنون
واضرب يمينه لا بغى يسراك له

يا جعلهم فدوة ثرى الغض الفتون
اللي على الدرب الطويل اخطاك له

طيفه الى نام البشر زارك بهون
وطيفك الى نام البشر سراك له

حبه دفان ومقبرة خضر الطعون
بين العظام العوج كنك ناكله

غروٍ يميله الترف ميل الغصون
ولا يوصف له غلاه احكاك له