(( فشلت ))
فشلت أرثي ليالينا
فشل فيني الرضى بالهم ،،
فشل احساسها الجارف
يعلم قلبي الخايف
مصيره
و آخرة ما تم ،،
فشلت أستعذب دموعي
خضوعي لرعشة ضلوعي
خنوعي لرقصة أوجاعي
على ساحات صدري اليم ،،
فشلت
و منهو ما يفشل
مصيرك يالزهر
تذبل ،،
و تتذكر لذيذ الشوك
في ساقك و لا تسأل !!
عدالة هي ؟؟
و اللا ظلم ،،
فشلت أنسى
زمان التوت
و الرمان
و الخمرة ،،
فشلت أدفى
بعد ما جفت الجمرة ،،
فشل هالليل يهديني
لحونٍ من هوا القمرة ،،
و عيا الصبح يبداني
صباح الورد
لو مرة ،،
غريبه ؟؟
كل ما استرخي
ألاقي النوم
منتظره !!
و يهديني من الأشواق
ريــــــــــــــــــــــــــــح
و من طول السهر
يهديني ليــــــــــــــــل ،،
و يبداني مع الأفكار
ونــــــــــــــه
و ينهيني جريح بظهر خيل ،،
فشل يعرف طريقه
ويــــــــــــــــــن ؟؟
و خبره باحمر الخديــــــــــن
و غيَّبها زمن قاسي
و تاه بدربه المسكين ،،
و مزنك يحجب النجمات
و يصرعني العطش
أوقااااااااااات
و لا به غيث في غيمك !!
و جوك يعصف بروحي ..
و سرابك ..
قال لي :
هيهاااااااااااات ...
و يا ويلي من المكتوب
أبصبر عالصبر
مغصوب
و يسألني الزمن
بتتوب
يفز الخيل ..
يرميني ..
و يحلف !!
لا أبد ما يتوب ..
فشل
هو منهو ما يفشل
و منهو لا انقطع جذره
بينسى جذره الأول ..
أبيكي تغفري كذبي
رغم احساسي و شعري
ترى حبك تفرَّع بي
و لسى ما سكن حبري
و همك ما لقى مرسى
يادوب يدق بيبانه
على صدري
و بدري عالرثا بدري
و كل اللي بقوله فيك
عمري الباقي بعمري ..
غسان الحكيم
20-3-2007
1-3-1428