[ تفرَّقوا ]
كانت ملاذي إذا دارت عليَّ السنين
................................... كانت لي الديرة الْيا جارت الديرة
كانت لي أقرب من انفاسي وحبل الوتين
................................... كانت غصون العمر واوراقه وطيره
مدري وش اللي جنيته يوم أجرّ الونين
................................... على مفارق .. بجسمي بان تأثيره
أقفت تلوِّح لي ابْيسارها .. واليمين
................................... تتلقـَّـف ادموع طاحت .. تطلب الجيرة
حاولت أسوق العذر قبل الغياب اللعين
................................... لكن لساني تغيَّب عنـْه تعبيره
يـ َ الصبح قل لليال الحالمة لا تجين
................................... وش لي بهن والمواجع جتني امغيرة
وقل للنهايات تاقف .. دون موتي الين
................................... أتوب .. عن ذنبٍ أصعب منه تكفيره
ذنب الهوى لو كتمته في عيوني يبين
................................... مثل احتياجي عظيم وسيرته سيرة
وان عاندتك الليالي واستفاضت حنين
................................... مرِّر لها بيت عيَّا الصوت تمريرة
اللي عن اهل الحرام و سيرته مبعدين
................................... تفرقوا واللي فرّقتهم الغيرة[/poem]
[ يا الله من الضيق تاقاها وتاقاني ]
.
.
ناصر حطاب الدهمشي