.
.
كِـنـَّا ثلاثـة شايليـن أوجاعنا معنا امَّـنا
........................ و الحين صرنا اثنين فينا الجوع يتناثر ظلام
إرقد بحضني واترك الدنيا على صـدري أنا
........................ طفلـة و لكن داخلي أطفال غيرك بي تـنام
من شافني يحْسبني امَّ اتـْضلل ابْيدها ضنا
........................ ومن شافك يْحسْبك ضنا جا من علاقة بالحرام
يا خوي حنَّا من نسل أجواد .. بس الله لنا
........................ ماتوا فقر واللي اتركوه افراش واطفال وحطام
لا تنكسر لو شفتني أتسـاقـط بْـعينك عنا
........................ اشمـخ ترى اللي قبلنا ما ورَّثوا غير إنهزام
لـ اتقول أنا توِّي صغير .. اشمخ وشلني من هنا
........................ طفل البدو يقوى يشيل اللي مـ يقوى له سنام
.
.
ناصر حطاب الدهمشي