[علي المحمد]

من غاب صوتك .. عن مدى السمع كنـّـي
... ارسم على لوحة غلاك .. اندهاشــــي

لو شفت صدري كيف من رحت عنــّــــــي
... في ذمتي ما كن ّ .. وسطه و لا شـي

كيف انتوادع و انت فيني .. و منــّــــــــي
... يااغــلا من الزلــّـه على قلب .. واشي

لابد ّ اعاف النـــــــــــــــوم لا نمت .. لنـّـي
... انثر طـــــــواري غيبتك في .. فراشي

و اصحى و في بالي ســـؤال امتحنــّـي
... وشلون اقاسي نظرتـك و انت مـاشي

يا ضيقة الـــــــــفرقا على البال .. حنـــّـي
... و اليا لمحتي دمــــــع عيني .. تلاشي

عـــــايش و اجاري هالزمن و ادري انــّـي
... اخــــــفي معالم ريبتي .. و ارتعاشــي

يا ليت قلبــــــــــــــك يوم غاب و طعنـــّـي
... يذبح غلاك و يقبــــره وسط .. جــاشي

دام الليالي .. عن وصــــــــالك غشنـــّـي
... مابغى يموت العشق بايدين غــاشي

يمكن لو انهيته بايدينك .. اغـــــــــــنـــّـي
... و اعلن على سمع العذول انتعـــاشي

اي والله اكــــــــــذب كان قلت امتهنـــّـي
... شفني غريق بضيقتي .. و ابتلاشــي

وا ذكريات ٍ لا طــــــــــــــــرن .. عذبنـــّـي
... وا صبري اللي راح كلـــــــــه .. بلاشي

وا قلبي اللي حب ّ من صغـــــــر سنــّـي
... ما حصــّـل بدرب المحبـه .. معـــــاشي

اخيل مزنك مرتقب .. و امتعنــّــــــــــــــي
... لو ما لمزنك .. فالنواظـــــــــــر مناشي

ابسألك بالله ... لا رحـــــــــــــت عنــّـي ,,
.... وشلون ابنسى نظرتـك و انت ماشي