*
*
فداك الجرح !
وش يعني ؟
مادام أكتافي الأثقل !
تفضّل !
حيلك بجرحي !
تشوف جباه خلق الله ؟
تشوف وجوه خلق الله ؟
تشوف جروح خلق الله ؟
تشوف ؟
وشوفني مرّه !
كذا ماتستحي ... من الله !
أشيلك
في هدب عيني !
تجازيني
بكم طعنه !
ياشيخ إسكت !
وخذ كتفي
وفصّل جرحك بصمتك !
أبيه يناسب كتافي !
أحس إن الزمن ضيّق !
مثل ماضقت من ثوبي !
من أكمامي !
من أزراري !
من أتفه حاجه ... وحاجه !
أنا ماعدت مستوعب !
أنا اللي حيل متغيّر ؟
أو إن الوقت ذا تافه !
ويتشطّر على أسياده !
بلا أسياد ... أو شيمه !
أحد فاهم وش الشيمه ؟
ياشيخ إجرح !
وأنا بضحك !