..
.
.
ذَبْلن عيون الحزين اللي عليتس دمعَن
............ وازرن عزُومه على همٍ تعب كاتمه
وراحن سنين الوداع ولوّحن ورجعن
.............. وانا آتمنّى لقاتس اليوم يافاطمه
يافاطمه دون عمرتس هالسنين قطعن
............. وصلتس .. وغابن طيوف أيامنا الباسمه
يافاطمه والطواري كلما ذعذعن
............. أُصدم بفقدتس وكني توي آصادمه
انتي كما جروحي اللي يغيبن ويطلعن
............. واَعزها جروحي اللي راح والقادمه
ومن بين الأقدار مثل أقدار ماشِرِّعن
............ ومثل الكلام العظيم اللي بلا خاتمه
والله لو ان العيُون لغيبتتس يشفعن
............... ماكنت بالدمع أذل القلب واحاكمه
مكتوب ماشوفها مكتوب ماتسمعن
.............. كل شي مكتوب شفت الا وَجِه فاطمه
استغفر الله لو كانت بصدري تعن
.............. أحس الايام من توديعها نادمه
ِ