يا ليلي الهادي المغمور حنيّه
ـــــــ بالله قلي! عيوني ليه سهرانه
طشيت بذر السؤال وأفتح ا يديّه
ـــــــ وأطراف ايدي من الصدات بردانه
عطشت وين المطر ماشفت أنا ميّه
ــــــــ كيف ارتوي والشتا مفقود هتّانه
مادام ليلي فقد كل الحميميّه
ــــــــ يحيطه البؤس صاب البؤس اغصانه
واحس كل لحظةٍ بالفقد مرثيّه
ــــــــ من عتمة الضيق لين أصوات غربانه
الحزن رجال بس حيله على بنيّه
ـــــــــ دفان ! فوق المتن ايشيل أكفانه
وين الحبيب افقده أحتجت أنا ضيّه
ـــــــ طفله واحس بأمان بداخل أحضانه
أشعل لقانـا ونـار أشواقنا حيّه
ـــــــ طير المحبه بنا ايضف جنحانه
شبيت نار الحـنين افقلب ريميّه
ــــــ تعال قبل الخفوق أتطيح أركانه