[أحمد الطرقي]

,

*

ــــــــــــــــــــــــ

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ضاقت وانا ماكنت أدور وسيعه = صبّرت نفسي // وشفت صبر الشمالي
ياللي .. يطاوعك الهوى .. ما تطيعه = عيّيت اشوف بغيبتك مشترى لي
انا .. خذيت من الجفى ما استطيعه = وش فيه .. كنّه منكتب لي لحالي !!
من عقب ما يرعى الهوى فيك ريعه = صحيت شحً من غيابك صحى لي
كن الزمن ناسك .. ودربك شريعه = والله يا /مــ .. أطول صلاة الليالي
ماصرت اشوف بهالطبيعه /..طبيعه = كن الشحوب .. بغيبتك .. من عيالي
الله يلعن .. والدين .. القطيعه = هبّت ولا خلت ل الاحباب تالي
اصحى وادور للملاقى .. ذريعه = وانام والقى لك .. طريق .. بخيالي
واجيك واسمع لك بصدري شفيعه = ومن قبل لاشكي لك غرامك شكى لي
يابن الجفى .. راحت حياتك تطيعه = ما ارضيت ابوك ولا رضى لك بدالي
شفني .. ليا ضاقت .. تركت الوسيعه = اقبلت ادور في عيونك .. مدى لي [/poem]

,