لها .. 
تدرين منهي على بالي تجـي لا غفيـت
....................... أنت ِ يا أعظم حبيبة فارقت عـن حبيـب
وشلون ابنساك قولي لي !! وانا لا حكيت
....................... عنْك اشعر انّ النّسم لا جرّ صوتي.. يغيب
يـَ الغايبة و الله إني في غيابـك بديـت
....................... أمشي و اغنِّي غيابك للخوي و الغريـب
لله ردِّي ترى ذنبـك عظيـم ان غديـت
....................... مجنون , بـ اسباب بنت ٍ طوَّلت بالمغيب
ــــــــــــــــــ
ليه الكلام إن بغيته ياصفـك لـي يخـون
..................... و اوَّل لامنِّي دعيته يـم لسانـي ركـض
يـَ اريوف ما للغزل من بعْد فرقاك لـون
..................... باهت جميع الشعر بالذات هـذا الغـرض
و ازيدك امْن الجنون اللي بصدري جنـون
..................... كلْ بنت تمشي على هالقاع .. عقبك مرض
كلْ بنت تمشي على هالقاع .. عقبك مرض
كلْ بنت تمشي على هالقاع .. عقبك مرض
كلْ بنت تمشي على هالقاع .. عقبك مرض
كلْ بنت تمشي على هالقاع .. عقبك مرض
ــــــــــــــــــ
في هاجسي خلِّيـت منِّـك قريبـة
..................... و اشعلت به كل الصدور ابشعر حي
ليت الأمان اللـي تعـودَّت اجيبـه
..................... علَّم ضلوعك في غيابك تحس بـي
غبتـي و جابتـك الليالـي كئيبـة
..................... ما بِك من انفاس الوله لو هو اشوي
لا صار صدرك ما به أيَّات طيبـة
..................... وشو له اتردين مـن غيبتـك لـي
أنـت ِ بقايـا مـن بقايـا حبيبـة
..................... راحت كبيرة و ارجعت لي و لاشي
و لا شي
و لا شي
و لا شي
ــــــــــــــــــ
لـ جفني ..
عادي تسيـل المدامع كلَّها لكن أنت..!
....................... ثقيلة .. أيَّت ثقيلـة..! إلَّا كسْرة ظهر
ما والله إنِّي خَبَرْتك يـَ الجفن لجل بنت
....................... اتْنزِّل الحـرَّة اللي مـَ نْزلت للقهـر!
ــــــــــــــــــ
كذبة أحبَّك كثير اتمرِّنـا مـن حريـم
................... يا كثر ما هالحريـم ابوقتنـا يكذبـن
وحدتهن اتحب الف شاعـر وْلا تهيـم
................... بنت اللذينا بشاعر منّهـم و الغبـن :
مـَ تْنيشن إلا على شاعر مقامه عظيم
................... تقعد تطوِّل معـاه ابْكيدهـا و تْخبـن
إن حبِّتِه تقلب الغيـرة حياتِـه جحيـم
................... وان حبَّها هسترت به لين ياكـل تبـن
.
.
ناصر حطاب الدهمشي