وين القاك
يامعذّب سنيني بشوفة ايامك
وين القاك
يامبكّي ايام الوصل هجرانك
وين القاك
وانته والسراب اشباه
دوم اتعب ولا القاك
وحتى بحلمي اتعناك
وين القاك
ابي اشكي لك
وافتح قلبي واحكي لك
وانثر حزني و ابكي لك
وامسح دمعي بثيابك
عيني من الهجر بوابة المنفى
وغربة الروح بعدك
وانته بلثامك
وين العيد اجيبه
وصومي اغيابك
من ضو الشموع اخترت لك فرحة
لكن للأسف
راحت مع اوهامك
ياساعة وصل مثل الخيال تروح
وين القاك
صير لعمري نسمة صيف
ترويني
وصير لعيني نجمة ليل
واسيني
بس خلك حقيقة وْياي
وين القاك
وين القاك