[طالب الحربي]

هنا طاح السكوت ولاح صمت البارحه فجري

هنا دونت تاريخ الكلام وفضفضة ساعه!
..

مدينتك الوسيعه \ شتتك .. ولابعد تـدري

وانا ياقريتي همٍ \ تلعثم فوق شماعه
..

تجاذبنا من أطراف الحكي ياصاحبي سري

فليلٍ منتشي فيه السبات وخافت ايقاعه!!
..

تعبت أسهر على هم القصيد ولانفع سحري

تعبت اركل دواليب العنا من سبة أطباعه
..

تعال \ وشوفني يم الجفا توّه نفذ صبري

بعد ماطال هجران الوصال وبانت أطماعه

..
يغلفنا سكوت بصمتنا حتى بدا يسـري

على هم\وعلى جرح\وعلى خوف وعلى اوجاعه
..

علام؟البال توّه ماشرح للسالفه قهري

بعد ماضاقت صدور السنين بغصة (ا)وداعه
..

اجي كلي فقير وطيبتة تسبق هوى عذري

بعد مارحت من دونك غنيٍ خاطرك باعه
..

فمان الجرح ياكل الجروح اللي لها عمري

فمان الصمت ياكل الكلام وهفوة اسماعه
..
.
.

ولكم كل الحب
وكل عام والجميع بخير