اقتباس:
المشاركة الأصلية كتبت بواسطة نايف الرحيمي
إلى من يستحق الورد
:
مايموت الورد.. في راحة يدينك
له معاك احساس وانفاس وحكايا
انتشى بالعطر مِن لامس يمينك
يحضن الذرات من عطرك هدايا
شوف هذا الورد ياخذ من حنينك
ويتباهى فيك .. في كل الزوايا
شوف هذا الورد يشبه وجنتينك
ويتشابه معـْك في باقيْ المزايا
كنت انا ويّا امنياتي.. محترينك
نحمل الإحساس والشوق وخفايا
والشعور اللي بدا.. بيني وبينك
جسّد الأرواح .. في هيأة عرايا
انعكاس الحب في عيني.. وعينك
مثل ضو الشمس في وجه المرايا
كل نبضة قلب فيّ تْقول : وينك
من يشاركني أحاسيسي .. معايا
بـ التقي بك يوم واقبـّل جبينك
واقهر العذال.. واصحاب الوشايا
وان لمحت الفرْح في نظرات عينك
مابقى للهـم .. في صدري بقايا
. |
نايف مطرهذا الاحساس الشعر غرق
كن بخير وكل عام وانت بخير رمضان مبارك عليك