[هاني الفرحان]

صمت .../


/
.
.
الليل صمت وخاطر البوح مرتاب
............. كنّ الكـلام يخاف يلمس جروحي
.
من كثر مـا غنيت لليـل غيّاب
............. احتجت ألاقي في المواويل روحي
.
.
/

وجع أبيض .../



سما .. خوف الكلام اللي جرح هذا الحديث أنفـاس
......................... بقايا الصوت من ضيقة عتـاب و غيبة أحبابي
.
سؤالٍ كـل مـا يطري يطير من الجفون نـعـاس
......................... من اللي قبل ما يرحل ترك فقده على بـابي ؟!
.
متى صار التعب صوتي ؟! و هي هذي وجيه الناس
......................... حضرت من التعب فيها و أنا الحاضر من غيابي
.
يا كـل الفقد من بدري غـصـون المغفرة يبّـاس
.......................... هنا الأصفر خذا شكل المـلام و جفف عتـابي
.
أحس إني وحيـد أكثر من أية وحـدة و إحسـاس
........................ أخاف اضيع في الوحدة من الوحدة على مـا بي
.
يا آخر صمـت في صدري كأن الحـزن له حرّاس
.......................... و كنّـي لا تنهـدتك يردونـك و أنـا مـابي
.
كذا صار الوطن غربـة من الغربـة و لا ينـدّاس
.......................... أحـد ماله أحـد حتى ثيـابي مـاهي ثيـابي
.
نحلت و ما رحـل ليلٍ مـلا هذا السهر وسـواس
.......................... و لا ردوا مواويلي وهي توصـل لـ غيّـابي
.
كثير من الوجع أبيض .. كثير من الخضار إفلاس
.......................... كثير اللي بعد غابـوا خطـاويهم على تـرابي
.
أنـا لي حزن ما يفنى ورا هـذا السؤال أنفـاس
......................... من اللي قبل ما يرحل ترك فقده على بـابي ؟!



17/7/2010

براءة .../


/
.
.
وجه الكلام أكثر براءة من الصمت ...............
و فـ صمتي أكثر من كلام البراءة
.
أقول أنا مهموم ؟! نعسان ؟! مانمت ؟! ............
أقول أخيط من التوجس إضاءة ؟!
.
على شفاه الفكرة المتعبة صِمـــت ..............
وكان النهار أقصر و كنت ارتماءه
.
.
/