رغم بعدك
رغم ماصار
رغم طعنه
بلهيب النار
وجرح
ودمعتين
ودم
وكفن أسود .. بلون الغدر
أحبك ياوطن مجفي
أحبك يافرح مقتول
ولا ادري انا وشلون !!
تزاورني مع الأحلام
وتتكاثر بقلبي ..
............... نام
وهذي حالتي من عام
يصحيني الدمع تاره
يصحيني الجرح ايام
واصيح بكل مافيني
أبي احلم
أبي ألقاه
أبي أدفى بحضن دنياه
وأرد أغفى ..
عساني القى طيوفه
عساني ما انحرم شوفه ..
ويصحى الدمع من ثاني
يصحيني ...!
كفايه تنام
كفايه تنبني أحلام ..
كفايه ترتجي لقياه
وهو لاهي مع ضيوفه
ياجوفه رد ياجوفه
وتشرق شمسي من ثاني
تجدد فيني احزاني ..
وأدورله بتفاصيلي
عن الماضي
عن الأحلام
عن قلبن
عجز لا ينام
واتنحنح خلاص بنسى
بدورلي انا مرسى
اصف احزاني في ظهره
واردد بعدها / بقسى
واعود لواقعي ثاني ..
انادي ليه خلاني ..!
وتضيق بعيني الدنيا ..
جروحي بعده
تنعاني ..
اناظر قهوتي المرّه ..
واتذكر صباحاتي
قبل لا يروح
قبل يطعن بقسوه الروح
قبل ينهي حكايتنا
ويترك هالقلب مجروح
واعود لقهوتي ثاني ..
مصيبه , يووووم خلاني 
وانا حتى تفاصيلي
ملكها قبل ينساني ..
واتمتم / ايييه يادنيا
تجرعت التعب الوان
نصيبي يختفى مايبان ..
وانا في عالمن ظالم
مايعطف على الحزنان