[محمد الغشام]

:
وانا
قلبي كبير اليوم لكن وقتنا أصغر
اذا تجرح بقولك شي
... ... ... واذا تقرب بقولك شي
انا أسمي حكايه جرح
يعني تعب ,
تتعب اذا تسأل
عن هْمومي . عن أيّامي , عن أحلامي
عن: جنوني لا حكى صدري
ويقْطف من شعوري تيه ..
..
اذا تقدر تشوف الجرح انا جرحك
واذا تقدر تخلي الجرح في صدري ويولد من جراحه جرح انا فرحك
انا فرحك بمولود ٍ جديد
واذا ودّك تسمّيه..,
انا أسمي على أسمه..
:
ياربْ
وان صار لي جرح ٍ كبير ..
انا مابيه يتْمرّد على صدري ويقفل هالشبابيك ..
:
ياربْ
وان طارت الانفاس من صدري مثل عصفور واقف ع الغصن ينطر سحابة مْن السماء
تنثر على هالناس ..
واجيْب مظلتي فوقي ..عشان القيك ..
..
ابيها تبتدي ف صدري
وكل الناس تقرب لي وتتنسم هواء عطر ٍ
يسمونه ,
يحبّونه ,
يخلونه ,
على شان التعب فيني يضيْع ..
:
وانا ياساده ..!
..
آنا صوتي حزن
كل ما نويت أسكت , سكتْ فيني الفرح
وآنا صوتي وطن
وانْفاسي الشعْب ..
في كل زوايا التيه تلقى شيّ ماعمرك عرفته
شايب ٍ له بالحياه
و لا شي ,


وانا عكّازي الايمن بدى يصغر مع الايام
... ... ... أحاول أمسك الجدران من عزفي وتنهيدي
وانا ما كنّي الا صوت خاثر: أنطر الاحلام
... ... ... تجي ترفع يديني من غرابيل الزمن قيدي
:
:
:
عاطِر التحايا