[بندر الصقر]

لا تنتظر أنت .. يابن الناس لا تنتظر
.... أنا أنتظر حضرتك هنا ... هنيا .... هناك
الله خلقنا عشان؛.. اجلس أنا أنتظر
...... وانتا تجي من هنا مرة ..... ومرة هناك
أنا أنتظر .. آه لو تدري علي اشكثر
.........تجيب لي أمي/ صويري/ صباية معاك
تجيب لي وجه أبوي وبالمدى أنتثر
......... وشلون بالله آجمعني وآآقوول هااااك
يصير صوتي حكي أو هو غثا أو شعر
....... ويصير بعضي وحل قلبي وبعضه نقاك
وفـ كل مرة رغم أنفي أرد انكسر
......... ما بين سندان رؤيايه ومقصل رضاك
نفسي اسوي مثل كل البشر واعتذر
.... عطني عذر واعتذر منّك ... عساني فداك

تعرف إذا الحب أصبح روح أصبح بشر
....... واصبح معك وين ما توجّه يوجّه معاك
تعرف إذا الحب اصبح أرض اصبح بحر
....... يصير أبعد من يدينك / حدودك / مداك
اتأطره (بٌعد) !! ما تحوي فضاءة أُطر
.......... حرام تكسر مساحاته خيالك / رؤاك

طيّب إذا نص مخي تبن/نصه حجر
.......... بلاش من فلسفة تبني ... وأنتا بلاك
ما تذكر أنك زرعت بقفر روحي شجر
..... يا حمار:- هذي بساتينك .. وهذااك ماك
هذا الزهر ناظره وشلون يصبح زهر
........ في روحي المجدبة هذي يدينك/خُطاك
وشلون تنكر نواويري وأنت المطر
....... وسماك هذي أنا وشلون أنكر سماك!!!





تركي رويع