[محمد الغشام]

,


وانا
قلبي كبير اليوم لكن وقتنا أصغر
اذا تجرح بقولك شي
... ... ... واذا تقرب بقولك شي
انا أسمي حكايه جرح
يعني تعب ,
تتعب اذا تسأل
عن هْمومي ,
عن أيّامي ,
عن أحلامي
عن جنوني لا حكى صدري ويقْطف من شعوري تيه ..
ويبقى للوفاء بس ..؟
مدارات الاراضي
مو حكي فاضي..؟
..
اذا تقدر تشوف الجرح انا جرحك
واذا تقدر تخلي الجرح في صدري ويولد من جراحه جرح انا فرحك
انا فرحك بمولود ٍ جديد
واذا ودّك تسمّيه انا أسمي على أسمه
بداية للنهايه بس تعب ..
ياربْ
وان صار لي جرح ٍ كبير ٍ
انا مابيه يتْمرّد على صدري اذا ضاق النفس فيني وصرت اتنفس الاشواق ضيم
ياربْ
وان طارت الانفاس من صدري مثل عصفور واقف ع الغصن ينطر سحابة بالمدى
تنثر من الغيم المطر ..
وينزل للاراضي ,
ويعشب كل أرْض ٍ في مساحات الوفاء ورد ٍ ,
ابيها تبتدي ف صدري
وكل الناس تقرب لي وتتنسم هواء عطر ٍ
يسمونه ,
يحبّونه ,
يخلونه ,
يدلونه ,
على شان التعب فيني مايقْسى ..