مجمع سراب , وتراب , وسرحتين , وسحنـة احـراج
ـــــــــــ اشوفهـا فـي الوجيـه اللـي تنافـر مـن سكينـه !
اشباه الاضداد , تُفرج عن سجين / بسجـن الافـراج
ـــــــــــ نفـس الجريمـه , معالـم كشـف الاسـرار الدفينـه
صبـحٍ يقيّـد بحريّـه / مـسـا حـريّـة سـيـاج !
ـــــــــــ كيف اختنق اوكسجين , ولـي نِفَـس فـي رئتينـه !
خير الوقايه / وقايه من غضـب , لـو شـرّه عـلاج
ـــــــــــ اسبِق رحيل الزمن ! واقـف بـ" عُقـدة " حاجبينـه !
ارواح تقبـض نفـوس اوراق فـي درفــات الادراج
ـــــــــــ ونفـوس تخلُـق ربيـع عـروق قلـب الياسمينـه !
ياصحـوة الشمـس بيـن الغيـم , والـرذراذ هـدّاج
ـــــــــــ صار اصفر / الشارع الواقف علـى ظهـر المدينـه !
اقرب من الريـح لاوراق الشجـر وغصونهـا العـاج
ـــــــــــ وابعـد مـن العـود الازرق عـن سواليـف الغبينـه
ماهو غدر هـ" البحر " لو تكْسِـره صلفـات الامـواج
ـــــــــــ يبسـط يدينـه وفـاء ويـداري هـمـوم السفيـنـه
كنـز القناعـه غنـاة الفقـر , لـوّ الذيـب محتـاج
ـــــــــــ وان نشّـد الرجـم / وبـل العقربيّـه , هـوّ وينـه ؟
العمـر دوّامـة الاقـدار , مثـل الـوقـت رجــراج
ـــــــــــ ينفض غصون العقل مـن عاصفـه وتطيـح تينـه !
عشر الاصابـع تحلّـق / للمطيـح , ازواج .. ازواج
ـــــــــــ وكفوف هـ " الجود " ربحت / بالخساره فـي يدينـه !
احلوق دون اليدين , امواس توصـل / قطـع الاوداج
ـــــــــــ جرح الزمن , والجحـود الملـح يرفـع مـن انينـه !
ابيض على اسود / رصيف الجوع , والمدخال / مخراج
ـــــــــــ ولاّ رغيـف الهنـاء عـنـد القنـاعـات المتيـنـه