لميني / كلي برد
محتاج لدفى انفاسك
تعاااالي ضميني
كل مافيني جمد
يحتاج لــ إحساسك
وربي محتاجك
اكثر من حاجتك ذاتك
واكثر من حاجة الكحلة لـ اهدابك
واكثر من حاجتك وقت الألم لـ أهاتك
محتاجك / تشوفيني بغيباتك
بغيباتك كلي بكاك
كلي تركني وجاك
كلي ارخصني واغلاك
تعالي محتاجك
محتاج ابكي على كتفك
محتاج اغفي غفوة طفل على يدك
محتاج اضمك
المك / اتنفسك /اشمك
محتاجك
اكثر من حاجتك لـ امك
محتاج احكي لك
محتاج اشكي لك /اشكي إلك منك
محتاجك تلميني انوثه
لمت بشوق الرجوله
محتاجك تضميني امومه
ضمت في حناياها طفوله
محتاج بعينك تلميني دمعه خجوله
يمين الله انزل على خدك / وابوسه
واقول ابكيني / محتاجك
الف مره تضميني
وتبكيني
بس دخيلك لا تتركيني
احتاجك / اكثر من حاجتك ذاتك