[عبدالعزيز الروابة]

[poem=font=",5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

لاتقطع الاّمال من جذع الامال =خل لحمام الدوح عند الشفق عود
تلعب تضن السالفة لعبة اطفال=وتغازل الهجران بعيونك السود
قطفت عمري كانت اوهامي سلال=وشحّيت يومنّي طلبتك بعنقود
أمر بدروب المواعيد واهتال=والقى الشوارع حزنها ماله حدود
وماللمباني عقب هجرانك ظلال=وشرفاتها ماظل بها نبض وورود
وقعدت في ظل الأمل حالتي حال=واللي بقالي حايط احلام مهدود
وشكيت جرحي للمسا لين ما سال=قطر الندى وشباك الاّمال موصود
هو ليه جرحي كل ماطاب ينثال=كن العذاب دموع واّمالي خدود
أمانتك وان مر طيفي على البال=وهبت طواري لوعتي هبّت النود
قل مانسيته قل بقى منّه اطلال=عسى الرجى يطحن ذرى الياس وتعود
رميتني ياسيل الاوهام من عال =طحت بشموخي يا لذلي وانا الطود
ولا تقطع الاّمال من جذع الاّمال =خل لحمام الوصل عند الشفق عود
[/poem]